Útgerð:

Bæjarútgerð Hafnarfjarðar

Smíðaður í Þýskalandi.

Kom til Hafnarfjarðar í maí 1960.

Áhafnar meðlimir 32.

Seldur til Noregs 1977.

Lagt: 2001. 

Settur í brotajárn 2003.

Minningargrein um Halldór Halldórsson skipstjóra

Samantekt úr dagblöðum um togarann Maí GK 346

Maí GK 346

18 maí 1960 kom togarinn Maí GK 346 í fyrsta sinn inn til Hafnarfjarðar. Fánar voru strengdir á milli mastranna og frá skut og fram á bakka.

Maí GK 346

Maí á góðviðrisdegi í maímánuði árið 1960.  Myndin tekin frá líklega Sundhöll Hafnarfjarðar eða af því svæði.  Að koma togarans til Hafnarfjarðar skildi vera í maímánuði var ekki tilviljun.

Maí GK 346 kemur til Hafnarfjarðar.  Ýmis sjónarhorn sýnd.

Maí GK 346 18 maí 1960

Mikill mannfjöldi tók á móti þessu miklu skipi eins og sést vel á þessari mynd.

Einhverstaðar í hópunum stendur strákur (höfundur) á sjötta ári og fylgist spenntur með.

Um kvöldið 18 maí 1960  voru landfestar leystar og öllum viðstöddum boðið í stutta siglingu út á flóann.  Allmargir þáðu boðið.  Snérist enda líf hafnfirðinga um skip og báta, aflbrögð og fiskvinnslu í landi.

Skipstjóri þarna var Benedikt Ögmundsson.

Maí GK 346

Maí kemur inn til Hafnarfjarðar úr sínum fyrsta túr.

Benedikt Ögmundsson (fyrsti skipstjóri Bæjarútgerðar Hafnarfjarðar) var með Maí nýjan og er hér að koma inn til löndunar í Hafnarfirði úr fyrstu veiðiferð skipsins.   Um afla er því miður  ekki vitað.

Maí GK 346

Á hverju ári fiskuðu íslensku togararnir gjarnan fyrir siglingu og sigldu þá ýmist til Þýskalands eða Englands.

Árið 1967, í vikunni fyrir páska, kom togarinn Maí til hafnar í Þýskalandi með 296 tonn í lestunum. Aflin seldist fyrir 363, 000 Þýsk mörk sem á þáverandi gengi og verðlagi var 8 milljónir og sjö hundruð þúsund krónur og var metsala.

Maí GK 346 Úr stóra túrnum

Á vordögum 1967 setti Maí vel í hann við austur Grænland og fyllti skipstjórinn skipið og tók túrinn 12 daga.

Hér má sjá pokann fljóta upp eftir eitt togið.

Myndin er úr bókinni " Mennirnir í brúnni "- sem út kom 1970

Maí GK 346 Úr stóra túrnum 1967

Sjá má að veiðin hefur verið gríðarleg og nær aflinn á dekkinu á milli lunninga og eins og dekkið ber. Allt fallegur karfi. Þaðan fór hann svo ofan í lestina.

Myndin er úr bókinni “ Mennirnir í brúnni

Maí GK 346 Úr stóra túrnum 1967

Þótt vel veiddist var samt reynt að vera með trollið í botni eins mikið og hægt var og hvergi slegið af.  Mannskapurinn hefur sem sjá má þurft að taka hraustlega til hendinni til að ekki þyrfti að láta flatreka á meðan aflanum væri komið fyrir. Hér lagar skipstjórinn sig til á bleyðunni áður en trollinu er kastað.

Með samhentri áhöfn hefst þetta.

Myndin er úr bókinni “ Mennirnir í brúnni. “

Maí GK 346 Úr stóra túrnum

Aflinn sem Maí kom með að landi á þessum vordögum 1967 var 585 tonn.  Stærsti hlutinn var karfi en aðeins smáræði þorskur.  Lestin var full upp í lúgur.  Fiskur var á dekkinu og 100 tonn af dekkfarminum hæfur til vinnslu.

Myndin er úr bókinni “ Mennirnir í brúnni. “

Maí GK 346

Togarinn Maí veiddi oft við Grænland og togaði þá við ísröndina og setti oft vel í hann.

Í júní 1970 kom togarinn með vel yfir þrjú hundruð tonn af vænum þorski inn til Hafnarfjarðar af Grænlandsmiðum eftir um hálfs mánaðar túr.

Myndin er úr bókinni “ Mennirnir í brúnni. “

Halldór Halldórsson skipstjóri í brúnni á Maí GK 346

Halldór Halldórsson fæddist í Hafnarfirði 2 júní 1928 og ólst þar upp.

Hann stundaði sjó frá 16 ára aldri og var á sinni tíð talin í flokki yngri skipstjóra togaraflotans.

Halldór lést í 1996 og var jarðsungin 31 júlí sama ár.

Myndin er úr bókinni “ Mennirnir í brúnni. “

Maí GK 346

12 dögum eftir að landfestar voru leystar kom skipið til hafnar í Hafnarfriði með 585 tonn, eins og áður segir.  Þessi mynd er reyndar ekki frá þeim viðburði heldur tekin við annað tækifæri

Myndin er úr bókinni “ Mennirnir í brúnni. “

Maí GK 346. Myndin er tekin 1968.

Í frostum eru íslensk skip oft þakin þykku lagi af ís.  Sjóúðinn frýs og sest á allt sem fyrir er og vírar og rekkverk umbreytast í gildar súlur sem handleggir manns ná jafnvel ekki utan um. Ísmyndun er ávallt háskaleg sem mannskapinn leggur til atlögu við, líkt og myndin ber með sér.

Ís í of miklu magni raskar jafnvægishlutföllum skipsins.

Mörg skip hafa lotið í lægra haldi fyrir ísskáninni sem vill safnast utan á þau í frostum.

Maí GK 346

1977 horfðu hafnfirðingar í síðasta sinn á eftir þessu fagra skipi sem gert var út frá Hafnarfirði 17 ár.

Það þótti vel við eigandi að fá Halldór Halldórsson til að sigla skipinu yfir til Noregs þar sem nýir eigendur tóku við því til síns brúks.

Maí GK 346 komin til Noregs

Eftir að til Noregs kom voru gerðar töluverðar breytingar á skipinu og flest sem áður minnti á togara fjarlægt.  Sjá má að gálgarnir eru horfnir og sömuleiðis pokabómurnar í formastrinu.

Maí GK 346

Breytingarnar taka óðum á sig sína mynd. Hvort Maí var í tengslum við norskan olíuiðnað eða fékkst við annarskonar verkefni er höfundi ekki full kunnugt um.  Sögur þar um voru alltaf svolítið á reiki og ekki gott að henda neinar  reiður á þeim.

Maí GK 346 breyttur og " endurbættur. "

Fátt sem hér sést minnir á glæsiskipið sem sigldi heim frá Þýskalandi skreytt fánum í maí 1960 og fjöldi uppáklæddra hafnfirðinga beið eftir að skoða, dást að og töluðu um.  Búið er að setja á skipið nýja brú og byggja yfir dekkið.

Hér er í örfáum orðum rakin ferill skips sem aflaði mikið og var bústólpi í sínu bæjarfélagi í mörg ár.

Hve margir störfuð á síðutogaranum Maí á meðan Bæjarútgerð Hafnarfjarðar átti og gerði skipið út er ekki gott að segja.  Undir skipstjórn Halldórs Halldórssonar, sem lengst var með þennan togara, voru margir árum saman um borð.